RU

Pop-up listening cafe
Батырхан Шөкенов атындағы қор х АҚҚУ х Technics

  • Жоба жайында
    Алматыда бір аптаға Қазақстандағы алғашқы pop-up listening cafe ашылды. Бұл жобаны әйгілі АҚҚУ кафесімен және Technics компаниясымен жұмыла жүзеге асырдық.

    Қонақтарды 7 күн бойы тербеген 7 винил жинақты диджейлер, музыканттар мен мәдениет өкілдерінен құралған селекторлар — Артём Бондаренко (@swagokat), Кәмила Нарышева (@milktea), Аққу Күденова (@akkujava), Әрсен Рысдәулетов (@arsen.superfly), Едіге Несіпбек (@edigee), Сергей Штоль (@serejevich) мен Диана Бимахымова (@dikentius) іріктеп алған. Қонақтар Қордың жеке коллекциясындағы винилдер — Батырхан Шөкеновтің «Отан Ана» альбомы мен «OYU-ды» да тыңдай алды.

    Listening cafe форматы — қоғамдық орында не кафеде музыканы жалғыз не жұп болып тыңдап, арнаулы мәзірдегі тағамдарға тапсырыс беретін формат. Бұл идея өткен ғасырдың 50-жылдары Токиода пайда болған. Кейінірек Сеулдегі түрлі орындар осы форматты жиі енгізді де, арнаулы кеңістік идеясы көпке тарай бастады.

    Алматылықтарды pop-up listening cafe форматымен таныстыру бастамасын Батырхан Шөкенов атындағы қор көтерді. Жобаға винил тыңдауға арналған жабдықты ұсынған Technics компаниясы мен поп-ап ашылған АҚҚУ кафесі қолдау көрсетті. Сондай-ақ АҚҚУ Батырхан Шөкеновтің өмірі мен шығармашылығын арқау еткен арнаулы мәзір дайындады. Онда Батырхан Шөкенов сүйіп жеген нанға жағылған майшабақ майы, алмалы краффин, жылы кисель мен өзге де тағамдар енді.
Жоба серіктестері
АҚҚУ
Қордың құндылығымен және мәдени ұстанымымен үндес болғанының арқасында pop-up формат мінсіз жараса кеткен қаладағы әйгілі кеңістік.
Technics
Жобаның техникалық серіктесі. Кәсіби жабдықпен қамтамасыз етіп, күйтабақты жоғары сапада тыңдау мүмкіндігін сыйлады.
Doing Great Agency
Жобаның коммуникациялық серіктесі. Идея мен креатив шешімдерді әзірлеуге, продакшн мен промо-науқанға жауапты болды.
  • Pop-up кеңістігіндегі жеті күннің әрқайсысы нақты бір селекторға бөлінді. Сол күні селектор таңдаған музыка топтамасы тыңдарманға ұсынылып отырды.
Музыка селекторлары
Артём Бондаренко
Swagokat
Кәмила Нарышева
Milktea
Аққу Күденова
Akkujava
Арсен Рысдәулетов
Superfly
Едіге Несіпбек
Edigee
Сергей Штоль
Swagokat
Диана Бимахимова
Dikentius

  • Batyr Foundation x AQQU-дың спешл-мәзірі

    Батырхан Шөкеновтің өмірі мен шығармашылығын арқау еткен спешл-мәзір:

    • көбік пен жалбыз қосылған алма газды сусыны;
    • жылы кисель;
    • жөке гүлі мен ұйқы шөбі қосылған вермут;
    • алмалы краффин;
    • фирмачтың бутерброды.
Pop-up listening cafe қонақтары
Медианың жоба жайында жазғаны
“
Батырхан Шөкенов атындағы қор мен «Аққу» кафесі кеңістікке Technics-тің үш ойнатқышы мен (бір реттік қаптамасы бар) құлаққаптарды орнатып қойды. Селекторлар іріктеген винил күйтабақтарды жеке өзіңіз де, басқалармен бірге отырып та тыңдауға болады.
MUSTAFIN MAG
“
Батырхан Шөкенов атындағы қор мен «Аққу» кафесі алматылықтарды күйтабақ ойнатқышынан музыка тыңдауға шақырады
the village
“
Алматыда алғашқы pop-up listening cafe ашылды
Gorod24 Almaty